اعصام الحق نے بارسلونا اوپن مینز ڈبل کے ٹائٹل میں‌تاریخ‌رقم کر دی

پاکستانی ٹینس اسٹار اعصام الحق اور ان کے پارٹنر فلورین مرگیا نے بارسلونا اوپن کے فائنل میں عمدہ کارکردگی کا مظاہرہ کرتے ہوئے مینز ڈبل کا ٹائٹل اپنے نام کر لیا۔

اسپین کے شہر بارسلونا میں کھیلے جا رہے ایونٹ کے مینز ڈبل کے فائنل میں اعصام الحق اور رومانیہ سے تعلق رکھنے والے ان کے پارٹنر فلورین مرگیا کا مقابلہ الیگزینڈر اور فلپ سے تھا۔

دونوں کھلاڑیوں نے آسٹریلیا اور جرمنی سے تعلق رکھنے والی جوڑی کے خلاف عمدہ کھیل پیش کرتے ہوئے اسٹریٹ سیٹ میں 6-4 اور 6-3 سے شکست دے کر ٹائٹل اپنے نام کر لیا۔

یاد رہے کہ کوارٹر فائنل میں اعصام الحق اور مرگیا نے بڑا اپ سیٹ کرتے ہوئے موجودہ مینز ڈبل میں عالمی نمبر ایک ہنری کونٹی نن اور جان پیئرز کو شکست دی اور پھر سیمی فائنل میں سخت مقابلے کے بعد سابقہ عالمی نمبر ایک جوڑی ہوریا ٹکاؤ اور جولین راجر کو شکست دے کر فائنل میں جگہ بنائی تھی۔
اعصام الحق اس وقت ڈبلز میں 32 نمبر پر ہیں جبکہ ان کے ساتھی مرگیا 25 درجے پر ہیں۔ اس سال اعصام کی یہ دوسری کامیابی ہے۔ اس سے پہلے جنوری میں انھوں نے آکلینڈ اوپن میں فتح حاصل کی تھی جس میں ان کے ساتھ پارٹنر مارچن ماٹکوسکی تھے۔

Comments

comments

اپنا تبصرہ بھیجیں