بلھا کی جاناں میں کون​

بلھا کی جاناں میں کون​
نہ میں مومن وچ مسیت آں​
نہ میں وچ کفر دی ریت آں​
نہ میں پاکاں وچ پلیت آں​
نہ میں موسٰی، نہ فرعون​
بلھا کی جاناں میں کون​
نہ میں اندر بید کتاباں​
نہ وچ بھنگاں، نہ شراباں​
نہ رہنا وچ خراباں​
نہ وچ جاگن، نہ سون​
بلھا کی جاناں میں کون​
نہ وچ شادی نہ غمناکی​
نہ میں وچ پلیتی پاکی​
نہ میں آبی نہ میں خاکی​
نہ میں آتش نہ میں پون​
بلھا کی جاناں میں کون​
نہ میں عربی، نہ لاہوری​
نہ میں ہندی شہر رنگوری​
نہ ہندو نہ ترک پشوری​
نہ میں رہنا وچ ندون​
بلھا کی جاناں میں کون​
نہ میں بھیت مذہب دا پایاں​
نہ میں آدم حوا جایا​
نہ میں اپنا نام دھرایا​
نہ وچ بھٹن، نہ وچ بھون​
بلھا کی جاناں میں کون​
اول آخر آپ نوں جاناں​
نہ کوئی دوجا پچھاناں​
میتھوں ہور نہ کوئی سیانا​
بلھا! او کھڑا ہے کون؟​
بلھا کی جاناں میں کون​

Comments

comments

اپنا تبصرہ بھیجیں