عمران خان تم آگ سے کھیل رہے ہو ، اسی ٹہنی کو کاٹ رہے ہو جس پر بیٹھے ہو –

لاہور میں یوم تکبیر پر کارکنوں سے خطاب میں سعد رفیق نے کہا کہ ملکی سیاست کو نوآموز سیاسی کھلاڑی نقصان پہنچارہے ہیں،عمران خان تم آگ سے کھیل رہے ہو، اسی ٹہنی کو کاٹ رہے ہو جس پر بیٹھے ہو، ووٹ لےکر آنے والوں کو رگیدنے کا کیا شوق ہے ؟ ان کا کہنا تھا کہ نواز شریف نے ایٹمی دھماکوں کے بعد معاشی دھماکے کا فیصلہ کیا اوروہ اسی راستے پر چل پڑے ہیں،ہم ون بیلٹ ون روڈ منصوبے سے ملک کو منسلک کرچکے ہیں۔

انہوں نے یہ بھی کہا کہ ہم نے برسوں گالیاں سنیں لیکن جواب نہیں دیا،پہلے منی لانڈرنگ کا الزام لگایا پھر کمیشن کا الزام لگایا گيا ،ان الزامات کا کوئی ثبوت بھی نہیں دیتا،یہ نہیں ہوسکتا کہ ہماری تذلیل کی جائے اور ہم خاموش رہیں ۔

وفاقی وزیر نے مزید کہا کہ سب سے زیادہ کام منتخب وزرائے اعظم نے کئے اور الزام بھی انہی پر لگے ہیں،ہماری کارکردگی سے ملک کے اندر اور باہر بہت سے لوگوں کے سینوں پر سانپ لوٹ رہے ہیں ۔

انہوں نے کہا کہ مخالفین ہمارے کردار کو متنازع بنانے کی کوشش کررہے ہیں تاکہ الیکشن میں صحیح سالم نہ جاسکیں،نواز شریف نے ایٹمی دھماکوں کا فیصلہ کیا تو پتہ تھا کہ قیمت ادا کرنی پڑے گی ،جو حکومت کی محرومی ،طیارہ سازش اور جلاوطنی کی صورت میں ادا کی ۔

سعد رفیق کا کہناتھاکہ ہم نے دودھ کی نہریں بہانے کا کبھی دعوی نہیں کیا ، چار سال میں پنجاب نے کتنی بجلی پیدا کی ، دوسرے صوبوں نے کتنی بجلی پیدا کی ،اس حوالے سے مقابلہ کرو۔

انہوں نے یہ بھی کہا کہ دہشت گردی کے خلاف ڈٹ کر جنگ پہلے کیوں نہیں لڑی گئی ؟ہمیں ووٹ کا حساب دینا ہے اور کے لیے کام کے علاوہ کوئی راستہ نہیں ۔

سعد رفیق نے کہا کہ زرداری صاحب کی پنجاب میں آمد کا ہمیں تو فائدہ ہوتاہے ،سابق صدر کی پارٹی نے سندھ کو کھنڈر بنادیا ، کراچی کو کچرے کے ڈھیر میں بدل دیا ہے۔

Comments

comments

اپنا تبصرہ بھیجیں