مسافر وین بارودی سرنگ سے ٹکرا گئی، 10 افراد جاں بحق

کرم ایجنسی(ویب ڈیسک) گودر میں مسافر بس بارودی سرنگ سے ٹکرانے کے نتیجے میں 2 خواتین سمیت 10 افراد جاں بحق جب کہ 13 زخمی ہو گئے۔پارہ چنار سے سدہ جانے والی مسافر وین گودر کے قریب سڑک پر پہلے سے نصب بارودی مواد سے ٹکراگئی۔ واقعے کے فوری بعد مقامی افراد اور امدادی اہلکاروں نے زخمیوں کو قریبی اسپتال منتقل کردیا۔ اسپتال انتظامیہ نے 10 افراد کے جاں بحق ہونے کی تصدیق کردی ہے جب کہ 13 زخمیوں کو طبی امداد فراہم کی جارہی ہے جن میں سے 5 کی حالت تشویش ناک ہے، دھماکے کے بعد سیکیورٹی فورسز نے علاقے کو گھیرے میں لے کر سرچ آپریشن شروع کردیا ۔پاک فوج کے شعبہ تعلقات عامہ آئی ایس پی آر کے مطابق ایم آئی17 ہیلی کاپٹر پارہ چنار پہنچ گیا ہے، جس کے ذریعے شدید زخمیوں کو طبی امداد کے لیے پشاور منتقل کیا جائے گا۔

Comments

comments

اپنا تبصرہ بھیجیں