بالی ووڈ کے آنجہانی اداکار رشی کپور  کا اداکارہ صبا قمر کے لیے دیا گیا پیغام سوشل میڈیا پر وائرل ہورہا ہے۔

گزشتہ دو دنوں میں بالی ووڈ نے دو بڑے ادکاروں عرفان خان اور رشی کپور کو کھودیا۔ دونوں کی موت پر جہاں پورا بھارت افسردہ ہے وہیں پاکستان میں بھی ان کے مداح بے حد غمگین ہیں۔

رشی کپور کی موت کی خبر سن کر جہاں پاکستانی فنکاروں نے افسوس کا اظہار کیا وہیں اداکارہ صبا قمر نے رشی کپور کی ایک پرانی ویڈیو سوشل میڈیا پر شیئر کرائی جس میں رشی کپور اور ان کی اہلیہ نیتو سنگھ صبا قمر کی تعریف کررہے ہیں۔

ویڈیو میں رشی کپور کی اہلیہ نیتو سنگھ صبا قمر کو کہتی نظر آرہی ہیں کہ صبا میں تمہاری بہت بڑی مداح ہوں اور تمہارا کام قابل تعریف ہے۔ ویڈیو میں اداکار رشی کپور نے صبا قمر کی عرفان خان کے ساتھ بالی ووڈ فلم’’ہندی میڈیم‘‘کی تعریف کی اور کہا اس فلم کا سیکوئل کیوں نہیں بن رہا۔ اس کے ساتھ ہی انہوں نے کہا کہ ’’ہندی میڈیم2‘‘کی شوٹنگ دوبئی یا لندن میں کریں لیکن آپ کو اس فلم میں ضرور موجود ہونا چاہئے۔

صبا قمر نے سوشل میڈیا پر یہ ویڈیو شیئر کرتے ہوئے رشی کپور  کی موت کو فلم انڈسٹری کے لیے بڑ ا نقصان قرار دیا اور پورے کپور خاندان کے ساتھ اظہار تعزیت کیا۔

The post رشی کپور کا صبا قمر کیلئے دیا گیا پیغام سوشل میڈیا پر وائرل appeared first on Hum Pakistan.

سابق مس یونیورس اور بالی ووڈ کی نامور اداکارہ سشمیتا سین کی ایک ویڈیو کو سوشل میڈیا پر کافی پسند کیا جارہا ہے جس میں وہ سورہ العصر پڑھتی ہوئی نظر آرہی ہیں۔

سشمیتا سین نے اپنے لاکھوں مداحوں کو اس وقت خوشگوار حیرت میں مبتلا کردیا جب سوشل میڈیا پر لائیو چیٹ سیشن کے دوران انہوں نے قرآن پاک کی سورہ العصر پڑھی۔ سشمیتا سین نے سورہ العصر سے پہلے بسم اللہ پڑھی اس کے بعد سورہ العصر پڑھی۔انسٹاگرام پر لائیو چیٹ سیشن کے دوران سشمیتا سین کی بیٹیاں اور ان کے دوست بھی موجود تھے اور سشمیتا سین  کی ایک بیٹی نے بھی اپنی والدہ کے ساتھ سورہ العصر پڑھی۔

اسی سیشن کے دوران ایک مداح نے سشمیتا سین سے پاکستان آنے سے متعلق سوال پوچھا اور کہا ہم آپ کا انتظار کررہے ہیں تو اداکارہ نے جلد ہی پاکستان آنے کا ارادہ ظاہر کرتے ہوئے کہا امید کرتی ہوں جلد آؤں گی۔ سشمیتاسین نے مزید کہا کہ وہ تین بار کراچی آچکی ہیں اور تینوں بار انہیں بے حد محبت ملی تھی۔ تاہم اس دورے کو بہت لمبا عرصہ گزر چکا ہے۔

واضح رہے یہ پہلی بار نہیں ہے جب سشمیتا سین نے سورہ العصر کی تلاوت کی ہو اس سے قبل 2017 میں شارجہ میں ایک تقریب کے دوران ایک صحافی نے  سشمیتا سین سے کہا تھا کہ آپ پاکستان اور بھارت میں امن کے لیے کیا پیغام دینا چاہیں گی؟ جس کے جواب میں اداکارہ سشمیتا نے قرآن پاک کی سورہ العصر کی تلاوت کرکے تقریب میں موجود تمام لوگوں کو حیران کردیا تھا۔

The post سشمیتا سین کی سورہ العصر پڑھنے کی ویڈیو وائرل appeared first on Hum Pakistan.

ماڈل و اداکارہ  نادیہ حسین کورونا وبا کے باعث خالی خانہ کعبہ کے بارے میں بات کرتے ہوئے جذبات پر قابو نہ رکھ سکیں اور روپڑیں۔

نادیہ حسین حال ہی میں پی ٹی وی کی رمضان ٹرانسمیشن میں شریک ہوئیں جہاں ٹرانسمشین کے میزبان احسن خان نے ان سے ان کا حج اور عمرے کا تجربہ شائقین کے ساتھ شیئر کرنے کے لیے کہا۔ نادیہ حسین نے  کہا کہ خانہ کعبہ کی زیارت کے تجربے کو لفظوں میں بیان نہیں کیا جاسکتا کیونکہ آپ جو کچھ وہاں محسوس کرتے ہیں اس کی وضاحت کے لیے الفاظ نہیں ہوتے۔

کورونا وائرس نے جہاں پوری دنیا کو اپنی لپیٹ میں لیا ہے وہیں اس کے خوفناک اثرات خانہ کعبہ اور مسجد نبوی پر بھی پڑے ہیں اور گزشتہ کئی ہفتوں سے خانہ کعبہ زائرین کے لیے بند ہے۔ نادیہ حسین نے اس حوالے سے بات کرتے ہوئے کہا کہ خانہ کعبہ کو خالی دیکھ کر میرے  رونگٹے کھڑے ہوجاتے ہیں۔

نادیہ حسین خانہ کعبہ کے بارے میں بات کرتے ہوئے جذباتی ہوگئیں اور کہا مجھے نہیں سمجھ آتا ہم کہاں اللہ کو راضی کرنے سے چوک گئے۔ مجھے خالی خانہ کعبہ کو دیکھ کر بہت دکھ ہوتا ہے ہر بار جب بھی میں دیکھتی ہوں خانہ کعبہ خالی ہے کچھ سمجھ نہیں آتا کیاکروں پھر میں اللہ سے معافی مانگتی ہوں اور دعا کرتی ہوں یااللہ تیرا گھر ہے اور تیرا گھر کبھی بھی خالی نہیں ہوتا اور آج کل اتنے عرصے سے تیرا گھر خالی ہے۔

نادیہ حسین نے روتے ہوئے کہا جب بھی میں یہ بات سوچتی ہوں میری آنکھوں میں آنسو آجاتے ہیں۔ لہذا ہم اسی چیز کو ذہن میں رکھ کر احتیاط کرلیں، اس وبا کو پھیلنے سے روک لیں لیکن ہم تو اتنے بے حس ہوچکے ہیں کہ ہمیں پرواہ ہی نہیں ہے کہ اس وبا کے پھیلنے کی وجہ سے خانہ کعبہ آج کل خالی ہے اور اس سب کے باوجود ہم احتیاط نہیں کرتے۔

نادیہ حسین کی باتیں سن کر اور انہیں جذباتی دیکھ کر شو کے میزبان احسن خان اور وہاں موجود شائقین بھی اپنے جذبات پر قابو نہ رکھ سکے اور ان کی آنکھوں سے بھی آنسو چھلک پڑے۔

The post نادیہ حسین خانہ کعبہ کو خالی دیکھ کر روپڑیں appeared first on Hum Pakistan.

پنجاب حکومت نے لاک ڈاؤن کے باعث مالی مشکلات کے شکار فنکاروں کی مالی معاونت کافیصلہ کیا ہے۔

وزیر اعلی پنجاب سردار عثمان بزدار نے مستحق فنکاروں کے لیے مالی امداد کے پیکیج کی منظوری دے دی جس کے تحت پنجاب حکومت 3 ہزار فنکاروں کی مالی معاونت کرے گی، وزیر اعلی پنجاب کی ہدایت پر صوبائی محکمہ اطلاعات و ثقافت نے مستحق فنکاروں کے لیے مالی امداد کا پیکیج تیار کر لیا۔

عثمان بزدار کا کہنا ہے کہ لاک ڈاؤن کے باعث دیگرطبقوں کی طرح فنکاروں کو بھی مالی مشکلات کا سامنا ہے، تحریک انصاف کی حکومت کو فنکاروں کی مشکلات کا پورا احساس ہے،  مستحق فنکاروں کو 15 سے 20 ہزار روپے تک مالی امداد دیں گے۔

وزیراعلیٰ پنجاب نے مزید کہا مستحق فنکاروں کی انتہائی شفاف طریقے سے معاونت کریں گے، مالی مشکلات میں گھرے فنکاروں کو تنہانہیں چھوڑیں گے، فنکاروں کی درجہ بندی کر کے انہیں جلد سے جلد امدادی رقم فراہم کی جائے گی، مالی امداد کوئی احسان نہیں بلکہ فنکاروں کا حق ہے۔

The post پنجاب حکومت کا لاک ڈاؤن کے باعث فنکاروں کی مالی معاونت کافیصلہ appeared first on Hum Pakistan.

حمزہ علی عباسی کی ایک ویڈیو سوشل میڈیا پر وائرل ہورہی ہے جس میں وہ گٹار پر ترکی کے مقبول ڈرامے ’’ارطغرل غازی‘‘ کی دھن نہایت خوبصورتی سے بجارہے ہیں۔

ترک ڈراما سیریل ’’دیریلش ارطغرل‘‘ جسے ’’ارطغرل غازی‘‘ بھی کہا جاتا ہے نے پاکستان میں دھوم مچائی ہوئی ہے۔ پاکستان میں لوگ اس ڈرامے کے دیوانے ہوگئے ہیں۔ سوشل میڈیا ڈرامے کی کہانی اور کرداروں کی تعریفوں سے بھرا پڑا ہے جب کہ عام لوگوں کے ساتھ فنکار بھی اس کے سحر میں مبتلا نظر آتے ہیں۔

’’ارطغرل غازی‘‘ کے مداحوں میں اداکار حمزہ علی عباسی بھی شامل ہیں جن کی ایک ویڈیو سوشل میڈیا پر تیزی سے وائرل ہورہی ہے جس میں وہ اس ڈرامے کی دھن گٹار پر بجارہے ہیں۔ حمزہ علی عباسی اتنی خوبصورتی سے دھن بجارہے ہیں کہ لوگ ان کا یہ ٹیلنٹ دیکھ کر حیران رہ گئے ہیں۔

کچھ لوگ تو حمزہ علی عباسی کو ’’دیریلش ارطغرل‘‘ کے مرکزی ہیرو ارطغرل سے ملاتے ہوئے کہہ رہے ہیں کہ انہیں یہ دونوں بالکل ایک  جیسے لگتے ہیں۔ جب کہ کچھ لوگ حمزہ علی عباسی کو پاکستانی ارطغرل قرار دے رہے ہیں۔

واضح رہے کہ ڈراما ’’ارطغرل غازی‘‘ اس عظیم شخصیت کے بارے میں ہے جو سلطنت عثمانیہ کے بانی عثمان اول کے والد تھے۔ ان کا نام ارطغرل تھا اور انہيں ارطغرل غازی کے نام سے بھی جانا جاتا ہے۔

اس ڈرامے کی کہانی ترک مسلمانوں کی تیرہویں صدی میں کی جانے والی فتوحات کے گرد گھومتی ہے۔ ’’ارطغرل غازی‘‘  پی ٹی وی سے پہلے دنیا کی 60 مختلف زبانوں میں نشر ہو چکا ہے۔ مجموعی طور پر اس کی 179 قسطیں ہیں اور یہ پہلی مرتبہ 2014 میں ترکی کے سرکاری چینل سے نشر ہوا تھا۔

The post حمزہ علی عباسی بھی ’’ارطغرل غازی‘‘ کے مداح نکلے appeared first on Hum Pakistan.

شاہ رخ خان اور گوری کی شادی کو اب 28 سال ہوگئے ہیں۔ دونوں کو بولی وڈ کی آئیڈیل جوڑی مانا جاتا ہے۔ شاہ رخ خان ، گوری کو اس وقت دل دے بیٹھے تھے جب انہوں نے اپنے کیریئر کی شروعات بھی نہیں کی تھی۔

سال 1984 میں پہلی مرتبہ شاہ رخ نے گوری کو دیکھا اور پہلی مرتبہ دیکھتے ہی انہیں دل دے بیٹھے۔ چھ سال کی ریلیشن شپ کے بعد دونوں نے شادی کی۔ دونوں کی شادی میں دونوں کا الگ الگ مذہب سے ہونا ایک بڑی رکاوٹ تھی۔

گوری کے خاندان کے سامنے شاہ رخ پانچ سال تک ہندو بنے رہے مگر سچ سامنے آہی گیا۔ کافی مشکلات کا سامنا کرنے کے بعد آخر کار گھر والے رشتے کیلئے رضامند ہوئے۔

بولی وڈ کے اس جوڑے کو ایک نہیں بلکہ تین مرتبہ شادی کرنی پڑی۔ کئی میڈیا رپورٹس کے مطابق شاہ رخ خان اور گوری نے پہلے کورٹ میرج کی، اس کے بعد 26 اگست 1991 کو دونوں کا نکاح ہوا، اس کے بعد 25 اکتوبر 1991 کو دونوں کی ہندو رسم ورواج کے مطابق شادی ہوئی۔

ایک انٹرویو میں شاہ رخ خان نے کہا تھا کہ مجھے یاد ہے کہ جب ہماری شادی ہوئی تو گوری کے کئی رشتے دار خوش نہیں تھے۔ پرانے خیالات کے لوگ تھے ، میں ان کا اور ان کی سوچ کا احترام کرتا ہوں۔

انہوں نے بتایا کہ میں جیسے ہی وہاں پہنچا سبھی باتیں کررہے تھے کہ مسلم لڑکا ، کیا لڑکی کا نام بھی بدلے گا ، کیا وہ مسلمان بن جائے گی۔

اس وقت شاہ رخ نے مذاق میں کہا تھا کہ انہوں نے گوری کو نماز پڑھنے کیلئے کہا ہے اور گوری کو برقع پہننا ہوگا۔ میرے اتنا کہتے ہی گوری کے سبھی رشتے دار خاموش ہوگئے۔

شاہ رخان نے کہا کہ وہ سبھی پنجابی میں بات کررہے تھے اور میں نے اس وقت گوری سے کہا کہ چلو گوری برقع پہنو اور نماز پڑھنی شروع کرو ، سبھی کو لگ رہا تھا کہ شاہ رخ نے گوری کا مذہب ہی تبدیل کروادیا ہے۔

واضح رہے کہ شاہ رخ خان اور گوری خان دونوں ہی دہلی کے رہنے والے ہیں۔ شاہ رخ خان کی ابتدائی تعلیم سینٹ کولمبس اسکول میں ہوئی۔ انہوں نے کالج کی پڑھائی دہلی یونیورسی کے ہنس راج کالج سے کی۔

وہیں گوری خان نے اپنی بارہویں کی تعلیم دہلی کے ماڈرن اسکول سے حاصل کی۔ اس کے بعد انہوں نے لیڈی شری رام کالج سے بی اے آنرز کیا۔ انہوں نے چھ مہینے کا فیشن ڈیزائننگ کا کورس بھی کر رکھا ہے۔

The post شادی کے بعد جب شاہ رخ نے گوری سےبر قع پہننے اور نماز پڑھنےکا کہاتو۔۔۔ appeared first on Hum Pakistan.

اداکار اعجاز خان نے ہفتہ کے روز فیس بک پر لائیو سیشن میں مسلمانوں کیلئے آواز اٹھائی تھی۔ اعجاز خان نے اپنی ویڈیو میں کہا تھا کہ اگر کوئی چیونٹی بھی مرتی ہے تو اس کا ذمہ دار مسلمان ہے، اگر کوئی ہاتھی مرے تو بھی ذمہ داری مسلمانوں پر عائد کی جاتی ہے، اگر دلی میں زلزلہ آجائے تو اس کا الزام بھی مسلمانوں پر دھر دیا جاتا ہے، یعنی بھارت میں ہر چیز کا ذمہ دار مسلمان کو ہی ٹھہرایا جاتا ہے۔

اعجاز خان نے اپنے مداحوں کے سامنے سوال اٹھایا کہ کیا آپ نے کبھی غور کیا ہے کہ مسلمانوں کو ذمہ دار قرار دینے والی سازش کے پیچھے کون ہے؟

ممبئی پولیس نے اعجاز خان کے اس لائیو ویڈیو سیشن کو نفرت پر مبنی قرار دیتے ہوئے اداکار کے خلاف مقدمہ درج کرلیا اور انہیں ان کے گھر سے گرفتار کرلیا۔

The post مسلمانوں کیلئے آواز اٹھانے پر بولی وڈ کے مشہور “خان” گرفتار appeared first on Hum Pakistan.

ٹی وی چینل نے اپنے انسٹاگرام پیج پر ڈرامہ “سنو چندہ” کے نشر کرنے کا اعلان کیا ہے۔

ڈرامہ یکم رمضان المبارک سے روزانہ پیش کیا جائے گا۔

سوشل میں پر اس اعلان کے بعد چند صارفین کے مطابق اس سال رمضان ڈرامے کے تیسرے سیزن کے بجائے پہلے اور دوسرے سیزن کو دوبارہ نشر کیا جائے گا، ساتھ چینل کی جانب جاری کردہ پوسٹر میں سیزن 3 کا ذکر نہیں کیا گیا۔

رومانٹک کامیڈی سیریز کی پہلی دونوں سیزنز میں فرحان سعید اور اقراء عزیز نے مرکزی کردار ادا کیے اور دونوں کی جوڑی کو بہت سراہا گیا۔

ڈرامے کی دیگر کاسٹ میں ثمینہ احمد، نادیہ افگن، فرحان علی آغا، نبیل زبیری، مشال خان، عدنان شاہ ٹیپو اور دیگر شامل ہیں۔

The post سب کا پسندیدہ ڈرامہ “سنو چندہ” رمضان میں ایک بار پھر نشر کیا جائیگا appeared first on Hum Pakistan.

ویڈیو پیغام میں انہوں نے کہا کہ نیویارک قبرستان بنتا جارہا ہے، یہاں روزانہ ہزاروں اموات ہورہی ہیں۔

انہوں نے بتایا کہ وہ ہمایوں سعید اور دیگر فنکاروں کے ہمراہ شوز اور فلم کی شوٹنگ کے سلسلے میں وہاں گئی تھیں اور اب پھنس کر رہ گئی ہیں۔

اداکارہ میرا نے مزید کہا ہے کہ میں ایک ہوٹل میں قید ہوکر رہ گئی ہوں، واپسی کیلئے پیسے تک ختم ہوچکے۔

انہوں نے ہاتھ جوڑ کر وزیراعظم عمران خان سے کہا ہے کہ خدارا میری مدد کی جائے اور وطن واپسی کا بندوبست کیا جائے۔ میں اپنے وطن میں ہی مرنا چاہتی ہوں۔

The post خدارا میری مدد کی جائے، میں اپنے وطن میں ہی مرنا چاہتی ہوں’ appeared first on Hum Pakistan.

ایک جانب جہاں دنیا بھر میں عالمی وباء کورونا وائرس کی وجہ سے لاک ڈاؤن جاری ہے اور اسی کے باعث سماجی تقریبات پر بھی پابندی عائد ہے وہیں نمرہ خان نے گھر میں ہی نکاح کرکے مداحوں کو حیران کردیا۔

انہوں نے سماجی رابطے کی سائٹ انسٹاگرام پر اپنے شوہر کے ساتھ تصاویر شیئر کیں۔

تصاویر شیئر کرتے ہوئے اداکارہ نے لکھا کہ میرا نکاح ہوگیا ہے، مجھے آپ سب لوگوں کی دعاؤں کی ضرورت ہے۔

اضح رہے کہ اداکارہ نے جیسے ہی اپنے چاہنے والوں سے اس خبر کو شیئر کیا تو ساتھی اداکاروں اور سوشل میڈیا صارفین کی بڑی تعداد نے انہیں مبارکباد دی اور اُن کیلئے نیک خواہشات کا اظہار بھی کیا۔

The post معروف پاکستانی اداکارہ نمرہ خان شادی کے بندھن میں بندھ گئیں appeared first on Hum Pakistan.